XX. mendeko Euskararen Corpus estatistikoa
Testuingurua
Nire eskua aurkitu zuen, boligrafoa zeukan eskua.
Bere eskua nirearen gainean itxi zuen.
Eta hasi egin nintzen.
Lehenik etxe tankera zuen kaxa bat marraztu nuen.
Bizi nintzen etxe bera izan zitekeen.
Gero teilatua ipini nion gainean.
Teilatuaren bi muturretan orratzak marraztu nituen.
Erokeria.
Leihoak eta arkuak gaineratu nituen.
Hormabularrak marraztu nituen.
Ate eskergak erantsi nituen.
Gelditu ezinik nengoen.
Telebista programa amaitu zen.
Boligrafoa utzi eta atzamarrak itxi eta ireki egin nituen.
Itsuak papera haztatu zuen.
Paper osoaren gainetik mugitu zituen atzamarren muturrak, marraztu nuenaren gainetik, eta burua baiezka mugitu zuen.
Berriz hartu nuen boligrafoa, eta eskutik heldu zidan.
Aurrera segitu nuen.
Ez naiz inolako artista.
Baina hala ere marrazten segitu nuen.
Nire emazteak begiak zabaldu eta so geratu zitzaigun.
Sofan agondu zen, bata oraindik zabalik.
Ez nion erantzun.